Koktebel Jazz Party — бу кулер юзьлю ве къуванчлы адамларнынъ, ойнагъан далгъаларнынъ ве нефес алып тоялмагъан тузлу денъиз авасынынъ алемидир. Бу дюнья севиесине ляйыкъ джаз олмакътан гъайры, музыка, денъиз, вуджут ве гонъюльнинъ екяне вибрациясыны яраткъан акъикъий азатлыкътыр.
Эр яз учь кунь девамында Коктебель ялысында виртуоз джаз музыкасы янгъырай. Бу музыкаль вояж хатырамызда чокъ вакъыткъа къала, ве бу акъта хатырлавлар сувукъ мевсимде къыздыра.
Koktebel Jazz Party — бу денъиз ялысында ерлешкен саналар ве унутылмаз концертлер, оларда эм танылгъан йылдызлар, эм де яш коллективлер иштирак эте. Фестиваль достане муитте кече ве земаневий музыкаль санатнынъ имкянларынен таныш эте. Онынъ эсас вазифелеринден бири — инсанларнынъ джазгъа мунасебетини янъартмакъ ве бу эскирген музыка акъынтысы дегиль де, даима актуаль олгъан классика олгъаныны исбатламакъ.
Koktebel Jazz Party фестивалининъ темелинде иштиракчилернинъ достане мунасебетлери ве чешит мемлекетлернинъ медений багълары корюне. Тедбирде исе азатлыкъ ве муаббет къонушув муити укюм сюре. Koktebel Jazz Party — СНГ мемлекетлеринде универсаль олгъан екяне музыкаль тедбирдир.