Джаз ичюн — Кектебельге!
Хаберлер

Келишмеген шейлернинъ келиштирилюви: Ladies And Gentlemen адлы уникаль проект KJP янгъырайджакъ

Келишмеген шейлернинъ келиштирилюви: Ladies And Gentlemen адлы уникаль проект KJP янгъырайджакъ

Келишмеген шейлернинъ келиштирилюви: Ladies And Gentlemen адлы уникаль проект KJP янгъырайджакъ

Адеттен тыш трио бугунь сейирджилер огюне чыкъаджакъ – 3 бутюнлей чешит къадын-къызлар сеси джаз нагъмелеринде бир-биринен къарышаджакъ. Ирина Родилес, Валерия Шургалина ве Виктория Каунова Jazz Ladies And Gentlemen адлы лейха черчивесинде Koktebel Jazz Party санасына чыкъаджакълар.

«Джаз йырламакъ ичюн, учь бутюнлей чешит йырджыны келиштирмек баягъы агъыр олды, амма биз буны япып олдыкъ», – деп, тариф этти Ирина Родилес.

Фестивальде коллектив ильк сефер, амма сейирджилерни къадын-къызлар вокалынен айретте къалдырмагъа азыр.

«Бизим репертуарымыз пек агъыр ве пек дюльбер, бойле шейлерни мемлекетимизде бир кимсе иджра этмей. О нене уникаль: бизде бутюнлей фаркълы учь къадын-къызлар сеси, оларны тембр тюсю боюнджа бирештирмек мумкюн дегиль, дейрсинъ. Бй себептен эр шей оригиналь шекильде янгъырай», – деп, къайд этти Виктория Каунова.

Koktebel Jazz Party халкъара фестивали артистик Коктебель къасабасында августнынъ 20-22 куньлери кечеджек. Фестивальнинъ тешкилий комитетинде хабер эткенлери киби, мусафирлер мейдангъа кечмелери ичюн я 2021 сене августнынъ 18-недже япылгъан менфий ПЦР-тест (оны фестивальнинъ эписи куньлери косьтермек мумкюн), я 2021 сене майыснынъ 25-ден сонъ япылгъан S-акъына антителалар олмасы акъта весикъаны, я да коронавирустан ашылама япылгъаны акъкъында сертификатны такъдим этмелилер. Артистлер ве вип-мусафирлер, фестивальнинъ хадимлери ве кутьлевий малюмат васталарынынъ векиллери де керекли весикъалардан бирини такъдим этмелилер: ашылама япылгъаны акъкъында сертификат, антителалар олмасы акъта весикъа я менфий ПЦР-тест

2021 сене Koktebel Jazz Party концертлери янъы форматта кечеджек: музыкантларнынъ чыкъышларыны телевизион съемка форматында сейир этмек мумкюн олур. Фестивальнинъ яйынлавыны онынъ сайтында ве ичтимаий агъларда тапмакъ мумкюн оладжакъ. Концертлер девамында сейирджилернинъ сайысы сынъырлы олур.

Koktebel Jazz Party 2003 сене журналист Дмитрий Киселёвнинъ шахсий тешеббюси оларакъ пейда олды. Чешит сенелери фестивальни эфсаневий джаз давулджысы Джимми Кобб (АКъШ), энъ яхшы латин джазы альбомы ичюн «Грэмми» мукяфатынынъ лауреаты Гонсало Рубакальба (Куба), «Грэмми» мукяфатына дефаларджа наиль олгъан боразанджы Рэнди Брекер (АКъШ), сонъки 10 йыл девамында энъ яхшы баритон-саксофонджы Гари Смульян (АКъШ), ню-джаз йылдызлары Club Des Belugas (Алмания), дюньяда земаневий блюз санасынынъ векиллеринден бири, гитараджы Селвин Бёрчвуд (АКъШ) зиярет эттилер.

KJP-2017 тедбирининъ мусафири РФ президенти Владимир Путин олды. Фестиваль тешкиль этилювинен «Красный квадрат» адлы медиагруппа огъраша.

Артка

Koktebel Jazz Party фестивали - COVID-19-дан бош территория. Агъыр эпидемиологик вазиет себебинден фестивальге етип кельмек шартлары денъише биле. Бу аллар регионда эпидемиологик вазиетке ве Роспотребнадзор идаресининъ тевсиелерине коре денъиштириле биле.
Шимдики вакъыт фестивальнинъ иштиракчилерине, мусафирлерине ве сейирджилерине учь весикъадан энъ аздан бирини такъдим этмек керек.

  • Менфий ПЦР-тест, о, 2021 сене августнынъ 18-ден сонъ япылмалы
  • COVID-19 S-акъына антителалар олмасы акъта весикъа, о, 2021 сене майыснынъ 25-ден сонъ япылмалы
  • COVID-19-дан ашылама сертификаты

Фестиваль территориясында мусафирлер, сейирджилер ве кутьлевий малюмат васталарынынъ векиллери маска ве къочакълар киймек кереклер.